作為一個對社會有承擔既香港人，我呢兩日都有去佔中，支持真普選，支持遊行集會自由。
而家佔中運動其實已經成功引起各方既關注。
梁振英繼續扮聽唔到，中央亦因管理性原因而唔會退讓。
佔中咁繼續咁落去根本冇出路。行動升級最後只會由和平變成暴力非理性。明白一點，中央冇可能由掌權到放權比人民，做乜都好，未來真普選根本永遠冇可能得到。理性表達訴求即是變成持久戰，若長此下去，冇結果咁只會繼續影響香港本土經濟同香港人既生活，受害既只會係香港自己。
若言選擇行動升級為暴力非理性，最後只會引起越來越大既反感，出師無名。即使係持久戰，你不能改變梁振英的良知，不能改變中央的狂妄，不能改變政府官員既智商，我們只能不斷爭取一些不可能爭取的東西，傷害自已又有什麼意義？
其實最好係比立法會議員投反對票，否決是次政改。如果能夠有小部分中間偏左既立法會議員亦應自發，支持反對政改會更好。
今次運動已經好成功。人民表達既訴求已經足夠清晰，但出現無止境既佔中而破壞番自己、傷害番自己真係一個解決方法？純綷既指罵和霸道的手段，不是解答問題的根本。
----------------
「一字錯，滿盤皆落索」
政府一開始由留難泛民不容許遊行集會，接著還有各項不君子小動作，到最後催淚彈事件。每步棋均愚昧得如小朋友一樣。中央的魔爪，以空前的真實在電視螢幕上表現得清清楚楚，每個香港人都能真實感受到未來香港的共產黨式的管治。
現在政府以靜制動，就是留待示威者出現過火的暴力行為，或過份的霸佔路面行為引致大部分市民反感，民意必定逆轉，警方就能成為正義之師。最後誰勝誰負，看似暫不能知。
但是有能之士必能看出，如果沒有任何一方讓步，無論局勢如何發展，到最後，每一方都是輸家。
----------
好多人淨係識攻攻攻，一Ｄ都唔了解成件事既局勢，
689冇可能走人，中央亦唔會撤回方案，諗下全世界Kidnapping係點處理就知。
今次佔領有如綁架街道。
一般做法，官方係唔會答應綁匪要求，
所以你會見到689同左派拒絕哂所有要求，呢個策略係好正常，係因為咁樣會鼓勵左同樣既事發生。
政府策略上等既，其實就係等綁匪犯錯。
而今次發展等佔中人士犯錯有何難，大部分市民係政治冷感，最後大部分市民一定對霸佔道路＆影響香港經濟既人而反感。好簡單既例子，今日新巴黎攞番部巴士，示威人士不容許巴士公司取回已經令一般市民看成反感行為。
而家佔中已經開始分裂，有人話要佔領政府建築物。用暴力呢步一睇就知係死棋，因為多數市民唔會支持非理性行為。
好多人以為勝利是一朝一夕取得，實質而家打既係「民意戰」。
就算示威者永無止境佔領道路，最後民意一定只可能轉變成反對佔領。
因為自我中心係人既天性，一般人覺得自已既生活被破壞，係冇可能比人長時間原諒。
要知道大部分市民係政治冷感。只係示威者每日都自我接觸示威就係全部，其實大部分人會慢慢抽離。長時間佔領道路都係死棋。
唯一可以做既，係諗下點樣爭取民意，而家民意高企主因係警察催淚彈鎮壓。但人係善忘，只要警方唔再用催淚彈，好易比人原諒。相反示威者唔退就必輸。反對派可以做既只係可以搵政府出黎傾。因為政府冇可能答應佔中者既要求，政府留待既就係封路令市民不便，民意逆轉既一刻。
戰策以退為進，方為上策。
可惜既係，由於小讓步，佔中者都唔會滿意，最後既結果會多會變為民意逆轉收場。
沒有留言:
張貼留言