重要基本因素：市盈率 (P/E值)

新手股民，一般都會問乜野係市盈率，正如買手機會問規格，睇足球會問越位係乜。

市盈率用途其實係用來介定一隻股平定貴，唔識市盈率，就好似遊客唔識價，朗豪坊對面$40一串咖哩魚都走去買。香港土豪多，幾年前記者問一個高官，街市一個蘋果賣幾錢，高官竟然答$30一個，可能佢食果Ｄ蘋果鑲金，但小弟真係食唔起。

介紹PE先講Meaning，市盈率即是回本期（單位：年）
你用$5買10倍市盈率既股票，這隻股票要用10年時間賺回所投資的$5。如果你用$5買99倍市盈率既公司，間公司就需要用99年 ，至可以幫你賺$5回來。這就是說（只考慮PE一個因素），市盈率越低，股票就是越便宜以及越值得購買。

但係為何中國風電130倍市盈率，兗煤就只有3.88市盈率？以現時港股PE中位數10.40，我們以此作為PE合理水平去比較，難道等於兗煤一定升而風電一定會跌？

想知道，就要先了解公司盈利變化，會如何改變市盈率。以風電為例，假設2013年盈利會比2012年上升50%，市盈率就會由130倍下降至87倍（根據市盈率計算方法 (股價÷每股盈利)）。公司發展好，盈利不停上升，市盈率就會不停下降，市盈率顯示盈利上升會令股票變得更值得購買。相反，公司發展萎縮，盈利下降，市盈率上升顯示股票變得越來越不值得購買。

大家嘗試逆向思維，由市盈率作出發點，市盈率表達了市場對這家公司的看法。一間市盈率130倍的公司，表達了此公司在未來的盈利增長，應該會非常強勁。因為只有這樣，市盈率才可以盡快降至10.40的假設合理PE水平。但要從130倍市盈率降至10倍左右，其實是非常非常困難，在此不分析個別股份，但市場的確有這個預期，大家經各種各樣的分析後，就會產生認同與不認同，這正是中長線價值投資法的其中一個重點。