以趨勢投資法緊貼大戶動向,以專業角度觀察世界經濟變化,以分析為本制定投資投機策略。

2014/02/08

市場上的盈利轉移

我有同事其中一個Hot Topic係講下首富同內地官場、商場既黑暗,但係正所謂無奸不成商,商場如戰場,有時夠奸又夠醒目又未嘗不可,正如誠哥D樓咁空氣清新、心曠神怡,又冇違反商品說明條例,我地真係又冇得點。

有時會諗,覺得間公司好搵,不如買佢D股票。但其實又唔一定,正如恆大攞左筆錢黎玩FM(足球遊戲),搵番黎D錢用黎做私人用途真係多的是。而且股票始終都係玩Capital gain多過玩收息,每一間公司都有佢既壽命,強如Nokia、Sony都避唔過時代既淘汰。我成日都話,出現受歡迎新產品只係搶奪其他現有市場。 當年PS機、任天堂Gameboy係我既回億,而家連間公司都就黎變成回億,真係多得電腦已經發展成隨身設備。

中學果陣我成日都諗有乜生意有得做,亦覺得好多生意未來會做唔住,點知幾年後竟然變成世界最強公司。以前電話一千幾百蚊一部,覺得六千蚊買部電話邊個會買。覺得3G月費咁貴邊個會用。又覺得香港淘寶冇得做,因為香港一落街乜都買到。點知出街上網太多用途,3G+智能手機一拍即合,貴貴都變必須品。識集運,淘寶買野平過香港買咁多,適合好多精打細算既香港人。

人類既空閒娛樂時間,由吹水、運動、遊戲機、FB game再到手機遊戲,一眾師奶OL都為之瘋狂,師奶們埋頭打機,電視都不看了。網購送貨上門,公司既都非常,這個好了消費者、網店、馬雲和速遞公司,但難為了租鋪經營的東主和貿易公司。

一切改變,都是因為可以為人類帶來方便、解決問題或增加效率。大勢所趨就需要跟著潮流去變吧~ 地球現在有什麼問題要解決,生活之中又有什麼不方便? 需求帶動技術,技術帶動需求,互相緊扣。

最近看3D printer及工業除塵設備,都是以百倍計市盈率,我知道我走慢了。不知道肥佬黎和魔童可不可以幫到香港人的未來呢?但在適當的產品在不適當的時候出現,虧本的生意不會有人願意做,到最後還是會消失的。

資訊爆炸的年代下,做娛樂性服務,這次的對手是要求多多又不願付錢的「消費者」。我希望他們能夠成功吧~

沒有留言:

張貼留言