(2878) Solomon System

筆者人生第一隻正股，當年2006年就係買左呢隻二、三線股晶門科技，仲要搞到筆者蝕住走。近排D晶片股咁威威，就睇下佢地搞緊乜。 (暫不分析同業　1385,139,1010,243)

睇番報告，晶門科技呢間香港公司其實都蝕過好多年，記得當年係做晶片研發設計，Ｄ技術有冇錢賺真係唔知。呢排又炒番上黎，主要係黎緊扭虧為盈，同埋佢地開始研發有關智能手機既晶片。投資開股票既我地，一聽到智能手機業務就好多野諗，今次仲要有業績支持，難怪咁快沖左上去創三年新高。

晶門現時主要研發既係手機觸屏有關OLED既驅動技術（並非研究顯示技術），可惜既係幾年前一開始走錯方向，晶門既Pmoled技術因為有局限，各大品牌手機主要使用Amoled技術。好在而家晶門都努力研發Amoled既驅動技術，仲同內地手機oled公司Visionox合作。雖然Visionox的顯示技術不可能與南韓、美國比較，仍然有很大差距，但你走到鴨寮街，就會看到不少人也購買較平價的智能手機。加上晶門只係做驅動晶片，不是做OLED顯示屏，既然研發方向正確，晶門細細粒，話唔定隨時有海外內地大型公司收購，真係慨念多多。

收市價0.54，以技術圖表去看，升浪短暫到達圓底量度升幅，以其他指標，只能顯示市場極度亢奮，加上成交額巨大，難以預計未來是升是跌和浪頂位置，由於已升穿三年新高，5.00已成重要阻力位，但現時炒味濃，升勢過後比較有機會先行在偏向下橫行至$0.5至0.55水平。