(1818) 招金礦業、(2899) 紫金礦業

我同事手持1818招金，雖然唔知佢幾錢買，但睇黎今個浪，金股可能有運行。
大升12%既招金現價5.04，相比於2011年金價頂峰期$19.24足足跌淨四分一。同期金價由高位1900跌到落現時1284。比較2010年金價1284，股價8.8，2007年金價700、股價3.6。就咁睇大家都知道現價幾唔合理。當然，睇睇中期業績差到咁，招金預測市盈率約12倍，加上美國又叫住要收水，收完水除時又加息，金價走勢市場上好多人都仲睇佢跌，金價回彈仍乏力，招金仲話有金礦因為開踩成本太高要停產。但向好方面諗，呢個金價其實都好接近開採成本，唔排除金價1200已經見左底，再加上報紙寫幾寫，吹多兩吹，金價見1500就市場氣氛逆轉。

睇番招金，由上年七月開始招金成交額都唔細，都好多人搏金價反彈，亦都好多人蟹左。再睇下技術圖表，週線圖STC已經出現買入訊號，仲要出現埋MACD、RSI出現底背馳，日線圖MACD亦先行出現買入訊號，今日股價成交額都跟到，同時連環出現多個買入訊號唔係成日見到。再加埋其他環保、藥股都升到咁上下，資金過黎玩番轉低殘金股都唔出奇。週線角度睇，招金上番$6.2唔難，日線睇$5.5更加唔難，計一計都10%，值唔值大家自己計。 當然，炒弱勢股轉勢有需要考慮下止蝕。同埋聽日恆上埋22200，大市有少少水尾feel。